Наш церковни хор "РОЗАНОВ" уключени до єдного обсяжного екуменского медзинародного музичного проєкту виводзеня "Найвекшого хорского дїла Русиї" - Саночного Серґея В. Рахманїнова оп. 37. у Нємецкей, а пририхтованя хвильково у полним цеку.

Орґанизатор и ношитель проєкту приятель нашого хору и парохиї, дириґент Винфрид Бентеле зоз Лудвиґсбурґу, а попри нашого хору у проєкту учествує церковни хор при римо-католїцкей парохиялней церкви св. Павла у Лудвиґсбурґу и велькорусски православни хор "ДАНИИЛ" зоз Москви. Солистични часци спомнутого Саночна буду виполньовац визначни солисти зоз Русиї.

Премиєрни виводзеня

• 16. априла 2016. у церкви "Доброго Пастира" у Битиґхайм-Биссинґену
• 17. априла 2016. у церкви "Св. Томаса Моруса" у Лудвиґсбурґ-Еґлосхайм

Поволуєме шицких наших там у Нємецкей жиюцих, же би попровадзели тото насправди єдинствене музичне собитиє.